Dibennoù-pred

Kreien tomat gant spisoù
ha dienn-skorn vanilhez

   
 
Evit 6 den :

 

  • Aozennoù :
  • 18 tomatenn (tro 50 g pep hini)
  • 100 g sukr
  • 2 loaiad-kafe kanell
  • 10 troiad milin-gardamom
  • 6 meudad jinjebr
  • 3 loaiad-kafe dour-roz
  • 60 g amann
  • Dienn-skorn vanilhez

 
 
  1. Fardiñ an tomat : raktommañ ar forn da 250° (forn tomm-gor). Lakaat ur gastelodennad dour da virviñ. Goude bezañ skarzhet lost an tomat, o soubañ en dour berv e-pad 10 eilenn. O lakaat dindan dour yen diouzhtu. Diruskañ an tomat, o rannañ etre daou a-blaen ha skarzhañ ar splus anezhe, dousik. Astenn an tomat en ur plad-kreien hep o lakaat en eil war eben war-eeun. Strewiñ ar spisoù, ar sukr ha tammoù amann amañ hag ahont, skuilhañ an dour-roz.
  2. Poazhañ ar c’hreien : lakaat ar pladad tomatez en forn tomm-gor ha leuskel da boazhañ 20 pe 30 munutenn, ken n’o devo c’hwezet ha rouzet an tomat un tamm.
  3. Kinklañ : servijout ar c’hreien tomat klouar, ur voull dienn-skorn vanilhez war lodenn pep kouviad.


Kinnig Nathalie : ar c’hreien-mañ a c’hell bezañ fardet e stumm un dartezenn ivez : e lec’h lakaat an tomatez rannet etre daou damm en ur plad-kreien e c’hellit o lakaat war doaz-tartezenn (bresk pe follennet) en ur plad dereat. Ma ’z eus ganeoc’h tomatez tro 100 g, gwelloc’h troc’hañ anezhe e meur a damm.

Gwin Arnaud : ur c’hCrémant eus Bourgogn, kreñv blaz ar Pinot Noir gantañ pe ur c’hCabernet d’Anjou.

Version imprimable Envoyer cette recette à un(e) ami(e)